قصيدة رثاء أم

من اجمل ماقرات في رثاء الام اسال الله العظيم ان يرحم امي وابي ويرحم اموات المسلمين جميعا



واليكم القصيده المنقوله والسموحه طبعا القصيده للشاعر الحميدي الشمري



خايف عليها من الثرى غطاها!
..........و الا الحصى حافي خاف اذاها
اكرم عليها بالكفن يا مطوع
........بالبيت ضل فراشها وغطاها
اكرم عليه بالكفن هذي [أمي]
........و شهد عليها في ما عطت يمناها
هذي الضحى واليل يتحرونه
.........هذي السماء و نجومها تنعاها
هذي السوالف مثلنا تبكيها
...........والارض تنشد عن اثر لِ خطاها
هذي الكبيره كبر هذي الدنيا
..........هذي العظيمه جل من سواها
ابكي عليها مو نهار و ليله !
..........و لا سنه تمشي وعد قضاها
ابكي عليها كثر ما شالتني
...........و كثر الحنين الي اختلط بغناها
و كثر الاسامي و كثر من سموها
...........و كثر النجوم و كثر من يرعاها
ابكي عليها من القهر يا دنيا
...........من لي انا من لي عقب فرقاها .؟
من فتحت عيني و لا خلتني
..........وشوفوا (ولدها.!) بالقبر خلاها !
هل التراب بوجهها ما قصر
...........شفتوا ولدها ! كيف هو جازاها
لو انها [مكاني] ما سوتها
..........لاكن اعز عيالها سوها.!!
يا دود يا دود شفها ذابله
.........جنبها انا ولدها وحاضر وأفداها
قطعني هاك الي تبي من جسمي
........بس الكريمه لا تجي بحذاها
و وصيك امانه قل لها تعذرني
..........و تكفى تروح تحب لي ماطاها
ابيها تغفر لي مثل ما كانت
.........كل خمله مني بطيبها ترفاها
يالله عساها بنعيم الخالد
........و عساها في جنة عدن سكناها
يا فضو هذا الكون يا هو خالي
..........يا ضيق هذي الدنيا يا مقساها
يا مر طعم فراقها يا مره
.........ماني مصدق ارجع ومالقاها
و شلون اجي غرفتها ماهي فيها
..........وش عذري لسبحتها ومصلاها
وش اقول انا لدولابها وشنطتها
..........واذا سالني مشطها وحناها؟
وعباتها ومي زمزم ومصحفها
..........والمبخره ورشوشها ودواها ؟
الكل في غرفتها متفقدها .!
............حتى الجدار مفطر و يرجاها
الكل يبكيها مهو ناسيها
...........يالله صبرني و شلون انساها
ياليتها ياليتها ماراحت
...........و خلتني او وسعتلي بالقبر وياها





وسلامتكم ونرجوا من كل من لدية أم تعيش في الدنيا
ان يقبل قدميها ويكون خادماً لان مكانت الام لايعرفها
الامن فارقة أمة الحياة



منقوووول